Oppgåve
Posthandtering – omgrepsforståing
Arbeider du på kontor, kan ei av oppgåvene dine vere å handtere post. Då må du registrere og fordele innkommande post. Utgåande post skal leggjast i konvoluttar og frankerast før du sender han. Her er det ei rekkje fagomgrep du må kunne.
Bilete: Rallef / CC BY-NC 4.0
Vi har ulike typar konvoluttar. Forklar kva dei følgjande konvoluttane kan brukast til, og kva som er dei eventuelle fordelane med dei:
- C4-konvolutt
- E65-vindaugskonvolutt
- internpost-konvolutt
Forklar dei følgjande omgrepa:
- frankere
- adressat
- korrespondanse
- konfidensielt
- prokurist
Posten Noreg AS er eit norsk statseid konsern som driv postombering i Noreg. Gå inn på posten.no og finn ut kva dei følgjande omgrepa betyr, og når det er aktuelt å bruke dei:
- postoppkrav
- fortolle
- rekommandert
Bring er den delen av Posten-konsernet som betener bedriftskundane. Gå inn på bring.no og finn ut følgjande:
- Kva er ein frankeringsmaskin? Når er det aktuelt å skaffe seg dette?