Mediedeltaking og medborgarskap handlar om mediebruk og rolla di som aktiv og kritisk deltakar i media. Kva moglegheiter og ansvar følger rolla? Du skal drøfte grunnleggande problemstillingar knytte til demokrati og ytringsfridom og sjå på korleis media påverkar individ og samfunn.

Ytringsfridom handlar om retten til å seie det du meiner. Det er ein grunnleggjande rett som står sterkt i Noreg. Pressefridom viser til retten pressa har til å drive med informasjon, kritikk og debatt, utan førehandskontroll. Ytrings- og pressefridom er ein føresetnad for demokratiet vårt.