Hopp til innhald
Øving

Øvingsoppgåver med biletfiler

Biletfiler består av pikslar, men har også annan informasjon. Filene har ulike storleikar og format. Løys desse øvingsoppgåvene for å bli betre kjend med biletredigering.
Ein gut jobbar med pc. Foto.
Vi redigerer biletfiler på datamaskinen. Bilete: Ilja Hendel / CC BY-NC 4.0

1. Informasjon frå biletfiler

  1. Finn eit bilete i filutforskaren på datamaskinen din.
  2. Høgreklikk og hent fram informasjon om fila.
  3. Finn eit anna bilete med ulik informasjon.

Diskuter:

  1. Kva informasjon finn du om dette biletet?
  2. Kvifor er det ulik informasjon for ulike biletfiler?

Ekstraoppgåve: Kva informasjon om mobiltelefonen din finn du ut frå biletfiler?

2. Pikselmengd og oppløysing

  1. Ta eit skjermbilete på datamaskinen din.
  2. Finn talet på pikslar i breidda på skjermdumpen ved hjelp av Finder/Explorer/Bridge.
  3. Mål breidda på skjermen din med ein linjal.
  4. Rekn om breidda til tommar ved å dele på 2,54.
  5. Del pikseltalet på tommetalet – no veit du oppløysinga på skjermen din!

Diskuter:

  1. Kva tal får dei andre i klassen? Fekk alle eit tal som var høgare enn 72?
  2. Går det an å få ulike tal på same type datamaskin?

Ekstraoppgåve: Klarer du å finne oppløysinga for mobiltelefonen din?

3. Biletformat

  1. Ta eit skjermbilete eller opne det du tok i førre øvingsoppgåve.
  2. Opne biletet i eit biletredigeringsprogram.
  3. Lagre biletet i PNG-format.
  4. Lagre biletet i JPEG-format med ulik kompresjonsgrad.
  5. Lagre biletet i eit arbeidsformat (PSD i Photoshop, PXD i pixlr.com/editor/).

Diskuter:

  1. Kva gav lågast filstorleik og finast resultat?
  2. Kvifor?
Utsnitt av briller og auge. Foto.
Redigert bilete av auge. Bilete: Johannes Leiknes Nag / CC BY-SA 4.0

4. Biletredigering

  1. Ta eit bilete av deg sjølv med mobiltelefon eller webkamera.
  2. Opne biletet i eit biletredigeringsprogram.
  3. Lagre biletet i eit arbeidsformat (PSD i Photoshop, PXD i pixlr.com/editor/).
  4. Skjer til biletet slik at det blir utsnitt av auga dine på ei vassrett linje med 500 pikslars breidde.
  5. Juster nivåa i bileta slik at det blir få fargar og sterk kontrast i biletet.
  6. Lagre biletet i GIF-format.

Diskuter: Ser biletet ditt likt ut som det klassekameratane har laga?

Ekstraoppgåve: Få bilete frå klassekameratane dine og lag ein kollasj.

Utfordring: Lag ein gif-animasjon der du blunkar. Finn framgangsmåte på nett.