Du kan jobbe med mange ulike visuelle teknikkar. Nokre produkt er behagelege, vakre, melankolske. Andre er groteske, provoserande, vanskelege å forstå. Det er viktig med kunnskap om komposisjon, verkemiddel, fotografering, grafisk design og ulike medium når du jobbar med visuelle uttrykk.

Å ta bilete handlar om å sjå og fange augeblikk. Dei fleste har ein mobil og er vande med å ta bilete. Kunnskap om komposisjon, kamerateknikk, utsnitt og perspektiv er med på å gjere deg til ein betre fotograf. I tillegg er det mange moglegheiter i biletredigeringa etterpå.