For å kunne yte den beste servicen overfor kundane må du ha god kunnskap om yrkesetikk. Du må følgje alle lover og reglar som gjeld for bransjen – mellom anna reglar for personvern. I tillegg må du opptre i samsvar med etiske normer i arbeidslivet.

Alle land har sin eigen kultur, det har bedrifter òg. Den særeigne kulturen i ei bedrift påverkar arbeidsmiljø, kvalitet og inntening. I ein god bedriftskultur har leiarar og tilsette tillit til kvarandre og eit godt samspel, og alle samarbeider om å nå felles mål.