Stine Trygg-Hauger
Stine Trygg-Hauger byrja å jobbe i butikk som 15-åring og fekk ei leiarstilling i Clas Ohlson allereie som 27-åring. Stine er oppteken av å bli kjent med heile verksemda, også dei som jobbar i butikkane. Ho synest det er viktig å snakke med kundar og lære om sortimentet i butikkane.
Stine Trygg-Hauger har stor tru på at viss vi har det gøy på jobb, har fornøgde medarbeidarar og set kundane først, så vil kundane òg vere fornøgde.
Då podkasten vart spelt inn, var Stine Trygg-Hauger administrerande direktør for Clas Ohlson. I 2021 tok ho over som noregssjef for XXL, og no er ho direktør i Vinmonopolet.
Du finn podkasten med Stine Trygg-Hauger nedanfor. Heile klassen kan høyre podkasten saman i klasserommet. Eller kva med å gå ein liten tur mens du høyrer på? Ha gjerne ein felles refleksjonsrunde i klasserommet etterpå.
Reflekter i klassen
Kva lærte de av denne podkasten?
Diskuter kvifor god leiing er viktig for å lykkast med marknadsføringsstrategien for verksemda.