Utforsk og diskuter kva for ein underliggjande språkkompetanse de har, ved å gjere øvingar som gjer dette synleg.
Del 1. Kva er språkkompetanse?
Les artikkelen om språkkompetanse under. Kva er grammatisk og kommunikativ kompetanse?
Relatert innhald
Del 2. Grammatisk kompetanse
Gå saman i par eller grupper, og prøv å forklare kva de meiner er feil med setningane under, utan å bruke andre kjelder enn dykkar eigen grammatiske kompetanse:
- Det ikkje er så farleg.
- Jenta som eg møtte på ferie, måndag dukka opp.
- Aldri har meg kjent nokon som er så snill som deg.
- Han gidde meg boka.
Diskuter: Korleis veit de kva som er rett og gale? Var det lett eller vanskeleg å forklare feila?
Del 3. Kommunikativ kompetanse
Gå saman i par eller grupper, og prøv å finne så mange måtar som mogleg å uttrykkje desse meldingane på:
- at du ønskjer å be nokon om å hente noko for deg
- at du vil uttrykkje at du liker nokon
- at du kjenner deg ukomfortabel med ein situasjon
- at du vil ha utsetjing på ei prøve
Diskuter:
- Kor mange ulike måtar fann de å seie ting på?
- Kva slags vurderingar ligg bak når du i kvardagen bestemmer kva måte å uttrykkje noko på, som passar til ein gitt situasjon?
CC BY-SASkrive av Caroline Nesbø Baker.
Sist fagleg oppdatert 25.02.2021