Smittevern og hygiene er eit viktig arbeidsområde for helsefagarbeidaren. Hygienetiltak i helse- og omsorgstenesta omfattar tiltak for å halde oppe god hygiene og forhindre spreiing av smittsame sjukdommar blant pasientar og tilsette.

For å avgrense risikoen for smitteoverføring bør vi følgje generelle smitteverntiltak uavhengig av om pasientar og brukarar har smittsame sjukdommar eller ikkje. Ved mistanke om smitte skal dei generelle rutinane bli supplerte med tiltak retta mot det spesifikke smittestoffet og smittevegen.