Spørsmål til diskusjon
I første del av filmen blir vi kjende med Nisha og familien hennar. Korleis vil du beskrive Nishas liv heime og Nishas liv ute? Kva skjer når desse verdene møtest?
Korleis opplever Nisha møtet med Pakistan?
Korleis vil du beskrive den kulturelle identiteten til Nisha gjennom filmen?
Korleis vil du tolke slutten på filmen? Kva trur du vil skje med Nisha?
Gå i djupna
I eit intervju i Dagsavisen fortel regissør Iram Haq mellom anna om sine eigne erfaringar med å vekse opp i Noreg med pakistanske foreldre. Ho fortel òg om arbeidet med filmen og kva ho ønsker å formidle:
Jeg hadde stort sett norske venner, og det føltes veldig urettferdig å være ei ung jente og ikke få lov til å gjøre det de andre gjorde. Det å føle seg utenfor i Norge, føle seg utenfor i Pakistan, med et sterkt ønske om å være innenfor.
Jeg har ventet på å bli moden nok til å kunne formidle denne historien på en nyansert måte. Det viktigste er at det ikke blir en fortelling om de slemme foreldrene og den stakkars jenta som blir utsatt for ulike ting, men å prøve å se begge sider. Det er en kjærlighetshistorie mellom en far og datter. En umulig kjærlighet.
(Haq i Nydal, 2016)
Korleis kan vi bruke metodisk kulturrelativisme for å forklare valet til faren og kva Nisha opplever i filmen? Lag ein munnleg presentasjon eller podkast der de utforskar og drøftar dette spørsmålet. Bruk faglege omgrep og vis til døme frå filmen.
Kjelde
Nydal, A. (2016, 22. juli). Iram helt på ekte. Dagsavisen. https://www.dagsavisen.no/helg/portrett/2016/07/22/iram-helt-pa-ekte/