Morgondagens reiseliv
Oppgåve 1
Kristin Krohn Devold seier (5 minutt og 40 sekund ut i podkasten) at vi under pandemien har blitt skikkeleg gode til å lage reiselivsprodukt for den norske marknaden.
Forklar kva vi meiner med "den norske marknaden".
Forklar korleis marknaden for reiselivsprodukt har endra seg under og etter pandemien.
Finn to døme på reiselivsprodukt for den norske marknaden.
Er produkta tilpassa ein endra marknad etter pandemien? Forklar i så fall korleis.
Korleis blir produkta marknadsførte?
Tilfredsstiller produkta krava til ei berekraftig reisemålsutvikling? Kvifor / kvifor ikkje?
Ta utgangspunkt i eit av reiselivsprodukta de fann, og reflekter over korleis dette produktet kan bli meir berekraftig.
Oppgåve 2
Kathrine Mosfjeld og Kristin Krohn Devold fortel (frå 6 minutt og 40 sekund ut i podkasten) om berekraftig utvikling.
Korleis må reiselivet, ifølgje dei to, jobbe for ei berekraftig utvikling?
Kvifor er det viktig at reiselivsnæringa arbeider tett med lokale aktørar? Nemn døme på statlege og private aktørar som reiselivsbedrifter bør samarbeide med. Kva fordelar kan eit slikt samarbeid gi?
Kva marknader og målgrupper, både norske og utanlandske, tenkjer de at den norske reiselivsnæringa bør prøve å nå? Grunngi svaret dykkar.
Oppgåve 3
Skisser eit nytt og berekraftig reiselivsprodukt for kommunen dykkar.
Det treng ikkje vere stort og omfattande; det kan vere ei oppleving, ein attraksjon eller noko anna i nærområdet.Lag ei skisse til ein marknadsføringskampanje for det nye reiselivsproduktet. Få fram følgjande:
Kva kan reiselivsproduktet tilby?
Kven er målgruppa?
Korleis vil de nå målgruppa?
På kva måte er reiselivsproduktet berekraftig ?
Oppgåve 4
Kva for nokre personlege eigenskapar treng de som skal jobbe i morgondagens reiseliv, ifølgje Kathrine Mosfjeld og Kristin Krohn Devold i podkasten? Drøft kvifor desse eigenskapane er viktige.
Tips til læraren
La elevane høyre på podkasten mens dei går på tur
La gjerne elevane høyre på podkasten i sin heilskap mens dei går ein tur, før dei løyser oppgåvene i klasserommet.
Del opp podkasten
Alternativt kan elevane dele opp podkasten slik:
Lytt fram til 06.30 og svar på oppgåve 1.
Lytt vidare til 14.17 og svar på oppgåve 2 og 3.
Lytt til slutten av podkasten og svar på oppgåve 4.
La elevane søkje på Internett
Når elevane skal finne døme på reiselivsprodukt i oppgåve 1, kan det vere føremålstenleg å la dei søkje på nettet.
Ta bilete i nærområdet
Når elevane skal løyse oppgåve 3, kan dei gjerne ta med seg telefonen ut på tur i nærområdet for å hente inspirasjon og ta bilete til det nye reiselivsproduktet.
La elevane jobbe i par eller grupper
Elevane kan gjerne løyse oppgåvene i par eller grupper. Då kan dei diskutere undervegs og utarbeide ein presentasjon. Gruppene kan til slutt presentere for klassa.
Diskuter i klassa
Etter kvar presentasjon kan klassa diskutere svara og gi kvarandre innspel. Gruppene kan notere ned nye punkt og gjere eventuelle endringar i presentasjonen sin.
Involver destinasjonsselskapet i regionen
Klassen kan kanskje sende forslaga til nye reiselivsprodukt til destinasjonsselskapet i regionen?