Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Realisme er eit omgrep som er knytt til ulike litteraturhistoriske periodar frå midten av 1800-talet og fram til i dag. I tillegg bruker vi ordet om ein skrivestil og om eit syn på forholdet mellom kunst og verkelegheit.

I litteraturhistoria kallar vi perioden 1870–1880 for "kritisk realisme". Årsaka er at ei rekkje forfattarar skreiv realistiske tekstar som kritiserte samfunnet. På 1880-talet utvikla den kritiske realismen seg til det vi kallar "naturalismen".