Samanlikna med ein del andre land har Noreg lite sosial ulikskap. Vi har mellom anna ein velferdsstat som med sine ordningar bidreg til å jamne ut forskjellar.
I filmen Fordeling av sosiale goder ser vi fleire intervjuobjekt samanlikne status, utjamning og sosiale gode i Noreg med land som USA og Litauen. Sjå filmen først, før du jobbar med oppgåvene.
Oppgåve
- Ein av dei som blir intervjua, seier at i Noreg blir du tatt vare på uansett inntekt eller om du er sjuk. Finn ut kva for ordningar vi har som gjer at du blir tatt vare på.
- Mannen frå Litauen seier at i heimlandet hans har du berre status om du er rik, mens i Noreg er det same om du jobbar i bank eller i kassa på Coop. Drøft påstanden. Er det noko sant i det han seier?
- Kva vil det seie at vi har ein "likskapskultur" i Noreg? Er likskap alltid bra, eller er det naudsynt med forskjellar i eit samfunn?
- Kva betyr omgrepet solidaritet? Er det naudsynt med ein likskapskultur for halde solidariteten i samfunnet ved lag?
CC BY-SASkrive av Inga Berntsen Rudi.
Sist fagleg oppdatert 16.12.2019