Oppgåve
Kva kjenneteiknar god marknadsføring?
Gjer greie for kva vi meiner med intern, ekstern og interaktiv marknadsføring, og korleis vi kan sjå dette i samanheng.
Gjer greie for rolla til servicemedarbeidaren i intern, ekstern og interaktiv marknadsføring.
Vel ut éi til tre bedrifter som de meiner lykkast med marknadsføring. Kanskje de meiner at praksisbedrifta er god på marknadsføring? Grunngi valet av bedrifter og gjer greie for korleis de meiner at bedriftene lykkast med marknadsføring. Få fram samanhengen mellom intern, ekstern og interaktiv marknadsføring, og rolla til servicemedarbeidaren i dette. Lag ein presentasjon og legg han fram for klassen.
Forslag til korleis de kan arbeide med oppgåva
Jobb gjerne i par eller i grupper.
Presenter for klassen.
Ha ein felles diskusjon i klassen om kva som kjenneteiknar bedrifter som lykkast med marknadsføring.