Fagartikkel
Planlegge antennemontering
Planlegging inneber her å orientere seg i terrenget for å finne plassering for sendar og mottakar. I tillegg må du utarbeide ein risikoanalyse med tilhøyrande tiltaksplan samt framdriftsplan og fylle ut nødvendig materialliste.
Bilete: Thorfinn Bekkelund / CC BY-NC-SA 4.0
Grunnen til at vi treng å vite kvar signalet kjem frå, er at sendarantenna og mottakarantenna må peike mot kvarandre. Dersom sendarantenna står i aust, treng vi å montere antenna på austsida av bustaden. Det er ekstra viktig å tenkje på dette når ein byggjer ein ny bustad, fordi ein då skal leggje røyr for antennekabelen.
- Gjer ei risikovurdering der du vurderer risikomoment ved arbeidet.
- Fyll ut materialliste og finn fram det nødvendige utstyret.
- Planlegg monteringa og set opp framdriftsplan.
- Klargjer aktuell anleggsdokumentasjon.