Kalde sausar

Vinaigrette er ein olje- og eddikdressing som er smaksett med ulike krydder, urter og andre ingrediensar. Han kan lagast emulgert med sennep eller berre piskast saman. Sennepsvinaigrette, raudvinsvinaigrette og tomatvinaigrette er døme på ulike variantar.

Majones er ein tjukk emulsjon mellom egg og olje. Han kan piskast for hand eller ved hjelp av ein stavmiksar eller foodprosessor. For at du skal lykkast med majonesen, er det viktig at ingrediensane har same temperatur, og at du sper forsiktig med olje i starten.

Majones dannar utgangspunktet for mange andre sausar. Du kan til dømes smaksette den ferdige majonesen, nytte ei smaksett olje under tillaginga eller tilsetje ulike smakar saman med egg og olje når du piskar saman emulsjonen. Remulade, karrimajones, aioli og graslaukmajones er døme på variasjonar av majones.

Smør eller oljer kan smakast til med ulike krydder eller urter. Døme på dette er hovmeistersmør, kvitlaukssmør, raudvinssmør, graslaukolje og pesto.

Her tek vi utgangspunkt i rømme, yoghurt, crème fraîche eller krem og smaker til med ulike krydder eller urter. Ofte inngår også majones. Døme på mjølkebaserte dressingar er rømmedressing, tzatziki, kvitlauksdressing og peparrotkrem.

Ferske eller varmebehandla grønsaker og frukt som blir mosa fint eller finkutta. Døme er guacamole, tomatsalsa, chimichurri og mangosalsa.

Dette er ulike typar sausar som må varmebehandlast og deretter kjølast ned før servering. Ketsjup, chilisaus og Cumberland-saus er døme på slike sausar.

Asiatiske sausar blir laga av ulike typar sausar, sirupar og krydderblandingar med mykje umami-smak. Døme er sashimi-saus, hoisin-saus og søt soyasaus.

Oppskrifter på dei kalde sausane som blir laga i filmen ovanfor, finn du ved å opne fila nedanfor.