Barn leiker fordi det er artig, og fordi det skjer noko saman med andre. Lek gir glede og kjensla av å ha det bra, og det er ein viktig del av barndommen. Barne- og ungdomsarbeidaren treng kunnskap og forståing av kva leik er, for å kunne leggje til rette for leik og hjelpe og støtte barn i leiken.

Eit godt leikemiljø er der barn opplever tryggleik og nok tid til å leike, og der det er vaksne som gjer leiken rik. Vaksne kan gjere leiken rik ved å delta sjølve, legge det fysiske miljøet til rette og ved å tilby variert leikemateriell slik at ulike former for leik kan oppstå.