For at du som fagarbeidar skal kunne rettleie brukarar av helse- og oppveksttenester om livsstilsendringar, må du ha kunnskap om faktorar som påverkar helsa.
Del 1. Helsa og livsstilen din
Gjer deg kjend med nettsida Lev på Helsenorge. Dette er Helsedirektoratets tilrådingar og råd om korleis du kan få ei betre helse. Skriv ned stikkord for
råd for betre psykisk helse
kostråda
fysisk aktivitet
søvn og kvile
råd om tobakk
alkoholbruk
Korleis er livsstilen din sett opp mot råda frå Helsedirektoratet? Skriv stikkord for dei same punkta som i oppgåve 1.
Ønsker du å endre på nokon av levevanane dine for å betre helsa di? Bruk verktøyet under til å lage ein plan for kva som skal endrast, og hugs at det er lurt å ta for seg ein ting om gongen.
Start med å skrive kva som dagens situasjon, mål for endringa, tiltak som skal setjast i verk, og ein dato for evaluering. På evalueringsdatoen kan du finne fram planen og evaluere tiltaka, kanskje må du setje inn nye tiltak dersom du ikkje har nådd målet heilt.
Faktor | Problem | Mål | Tiltak | Frist
| Evaluering av tiltak Har det verka? Kvifor eller kvifor ikkje? Skal tiltaka endrast? |
|---|---|---|---|---|---|
| søvn | veldig trøytt på morgonen | sove 7 til 8 timar kvar natt | 1. leggetid kl. 22.30 2. droppe skjerm etter kl. 21 3. ikkje sove altfor lenge i helga | 1. okt. | 1. okt.: betre, men framleis trøytt måndagar. Vanskeleg å sovne søndag kveld etter å ha sove lenge. Mykje aktivitet på Snapchat etter leggetid. Nye tiltak etter haustferien: 1. alarm kl. 9 i helgane 2. alle varslar skrudde av mellom kl. 21 og 7 3. lese papirbok eller høyre på lydbok |
Del 2. Motivasjon til livsstilsendring
Som fagarbeidar innan helse- og oppvekstfag skal du rettleie og motivere brukarar til å endre levevanar for å førebygge livsstilssjukdommar.
Vel deg eit av yrka innan helse- og oppvekstfag som du ønsker å utdanne deg til. I kva situasjonar kan det vere behov for at du skal rettleie brukarar om endring av levevanar knytte til punkta du jobba med i del 1? Bruk nokre minutt til å tenke og notere stikkord på post-it-lappar.
Gå i gruppe saman med medelevar som valde det same yrket som deg. Kvar elev presenterer ein av lappane sine etter tur, hald fram runden til alle har presentert alle lappane sine.
Bli einige om ein av situasjonane som de har fått presentert i gruppa, og lag ein plan for korleis de kan rettleie og motivere brukaren i denne situasjonen til livsstilsendringar. Bruk same skjema som de brukte for dykkar eiga livsstilsendring i del 1.
Del 3. Evaluer ein periode med livsstilsendring
På datoen du sette i del 1, hentar du opp igjen dokumentet ditt med plan for livsstilsendring. Set opp måla du hadde, og vurder desse i evalueringsdokumentet.