Som helsefagarbeidar skal du bidra til å vareta brukarar sine behov for helsehjelp gjennom heile livsløpet. Heilskapleg omsorg og pleie handlar om å fremje helse, meistring og livskvalitet og å hjelpe menneske til å få dekt dei heilskaplege behova sine.

Alderdom fører til auka risiko for sjukdommar og helsesvikt, og eldre menneske nyttar derfor helse- og omsorgstenester meir enn den øvrige befolkninga. Fysisk aktivitet og riktig kosthald kan førebyggje og forseinke utviklinga av aldersrelaterte plager og bidra til auka livsmeistring.