Som helsefagarbeidar skal du bidra til å vareta brukarar sine behov for helsehjelp gjennom heile livsløpet. Heilskapleg omsorg og pleie handlar om å fremje helse, meistring og livskvalitet og å hjelpe menneske til å få dekt dei heilskaplege behova sine.

Sjukepleie inneber meir enn omsorg og pleie av sjuke menneske, det handlar òg om førebyggjande og helsefremjande arbeid. Grunnleggjande sjukepleie blir utført av sjukepleiarar, helsefagarbeidarar og andre yrkesgrupper innan pleie og omsorgstenestene.