Som helsefagarbeidar skal du bidra til å vareta brukarar sine behov for helsehjelp gjennom heile livsløpet. Heilskapleg omsorg og pleie handlar om å fremje helse, meistring og livskvalitet og å hjelpe menneske til å få dekt dei heilskaplege behova sine.

Allmenntilstand er ei beskriving av den generelle helsetilstanden til ein person og omfattar både fysisk og psykisk helse. God allmenntilstand indikerer at helsa er god, mens nedsett allmenntilstand kan vere teikn på sjukdom og sviktande helse.