Hopp til innhald
Oppgåve

Smerter og smertebehandling

Smerter er ei subjektiv oppleving, og det er stor variasjon i korleis ulike menneske gir uttrykk for smerter. I jobben som helsefagarbeidar må du ta i bruk ulike metodar for å observere og kartlegge smerter slik at tiltak for smertebehandling kan setjast i gang.
Middelaldrande kvinne som held ei hand i nakken og den andre ved tinningen. Ho knip att auga og trekker munnen opp i ein svak grimase. Foto.
Smerter blir opplevde og uttrykte på ulike måtar. Bilete: ImageBROKER / CC BY-NC 4.0

Diskuter i grupper

Tre talinjer som går frå 0 til 10 der alle tala er merkte av med jamne mellomrom. Den øvste linja har berre tal. Den midste har ein stigande fargeskala som går frå lågt grønt på 0 via gult rundt 5 til høgt raudt nivå på 10. Den nedste linja har ein jamn fargeskala frå grønt via gult til raudt og i tillegg ansiktssymbol med stor smilemunn på 0, lite smil på 2, strekmunn på 4, liten sur munn på 6, brei sur munn på 8 og sur munn og tårer frå det eine auget på 10. Illustrasjon.
VAS-skala som bruker både tal, fargar og symbol for å indikere grad av smerte. Bilete: Den Norske Legeforening / CC BY-NC 4.0

  1. Gjer greie for forskjellen på akutte og kroniske smerter.

  2. Korleis kan VAS-skalaen (visuell analog skala) brukast for kartlegging av smerter?

  3. Forbigåande smerter som hovudverk, menstruasjonssmerter eller tannverk kan opplevast svært ulikt for ulike personar. Kva kan vere årsaka til det?

  4. Menneske har ulike måtar å gi uttrykk for smerte på. Kva observasjonar kan vere eit teikn på at nokon har smerter?


Aktivitetsoppgåve

Kroniske smerter medfører at ein må lære seg å handtere og leve med smerter resten av livet. Aktivitet er eit av tiltaka som for nokon kan redusere smerteopplevinga og auke livskvaliteten.

  1. Vel ein diagnose som ofte medfører kroniske smerter.

  2. Lag eit aktivitetsprogram som varer mellom 20 og 30 minutt, som passar for denne pasientgruppa.

  3. Lag ein instruksjonsvideo der de forklarer øvingane og grunngir valet av øvingar.

  4. Gjennomfør opplegget med resten av klassen.

Evaluering

Kvar gruppe evaluerer seg sjølve og opplegget til dei andre gruppene.

  • Kva fungerte bra?

  • Kva kunne vore betre?

  • Vil dette opplegget vere mogleg å gjennomføre der de er i praksis?

Relatert innhald

Fagstoff
Observasjonar i arbeidet

Observasjonane gir deg informasjon slik at du kan kartleggje dei individuelle ressursane og behova til brukaren.

Fagstoff
Dokumentasjon i helsevesenet

Dokumentasjon skal sikre at relevante opplysingar for forsvarleg behandling og pleie blir registrerte, og vareta retten pasienten har til medverknad.