I jobben som helsefagarbeidar må du ha empati, og du skal vise respekt og toleranse for kulturen, livssynet og den sosiale statusen til andre. Det er viktig at du reflekterer over dine eigne haldningar og viser endringsvilje, og at du jobbar aktivt for å førebyggje og handtere konfliktar i arbeidet.

Vi utviklar kommunikasjonsferdigheitene våre gjennom samhandling med andre, og empati, respekt og toleranse er grunnleggjande for å byggje gode relasjonar. For å lære av erfaringane våre må vi reflektere over hendingar og tenkje over korleis det kan løne seg å opptre i liknande situasjonar.