I jobben som helsefagarbeidar må du ha empati, og du skal vise respekt og toleranse for kulturen, livssynet og den sosiale statusen til andre. Det er viktig at du reflekterer over dine eigne haldningar og viser endringsvilje, og at du jobbar aktivt for å førebyggje og handtere konfliktar i arbeidet.

Konfliktar er ein del av livet. Dei oppstår fordi vi menneske er ulike. Vi har ulike behov, interesser og meiningar. Derfor treng vi kunnskap om kva ein konflikt er, kva som kan førebyggje konfliktar og ferdigheiter til å handtere konfliktane.