I jobben som helsefagarbeidar må du ha empati, og du skal vise respekt og toleranse for kulturen, livssynet og den sosiale statusen til andre. Det er viktig at du reflekterer over dine eigne haldningar og viser endringsvilje, og at du jobbar aktivt for å førebyggje og handtere konfliktar i arbeidet.

Sosial kompetanse er naudsynt for å meistre ulike sosiale miljø. Kulturkompetanse treng vi fordi vi lever i eit mangfald og møter menneske med ulik kulturell bakgrunn. Kunnskap om dei kulturelle verdiane og normene til andre gjer oss i stand til å forstå og anerkjenne kulturen deira.