Oppgåve 1- På sporet av ordet
Ordet kommunikasjon kjem frå latin communicare, som tyder "dele med andre, gjere felles". Ordet er brukt i mange språk og i ulike samanhengar.
- Korleis skriv ein ordet i andre språk du meistrar?
- Ordet vert også brukt om transport, til dømes i omgrepet offentleg kommunikasjon. Kva er samanhengen mellom "å dele med andre" og offentleg transport?
- Det norske ordet kommune kjem frå latin commune, "felles, noko ein har i lag". Kva er det som er felles i ein kommune?
Oppgåve 2 - Kommunikasjon eller ikkje?
Kommunikasjon krev ein sendar, ein mottakar, ein bodskap og respons (tilbakemelding). Les gjennom situasjonsdøma nedanfor. Er det snakk om kommunikasjon eller ikkje?
- Ein fjellklatrar står aleine på toppen av Mont Blanc og roper: ”Jaaa! Eg har greidd det!”
- Du går på gata og fører ein lang samtale med deg sjølv.
- Ei gammal dame sit på bussen og har hunden sin på fanget. Ho snakkar med hunden sin, og hunden lograr med halen.
- Du sit på ei aud øy og sender ein flaskepost der du ber om å verte redda. Ein mann i Australia finn flaskeposten, men trur at nokon prøver å spele han eit puss. Han tar ikkje bodskapen i flaskeposten alvorleg og kastar brevet og flaska.
Oppgåve 3 - Verbal og ikkje-verbal kommunikasjon
Se på døma nedanfor. Er det snakk om verbal eller ikkje-verbal kommunikasjon? Grunngi svaret ditt.
- Blindeskrift
- Slåssing
- Røyksignal
- Plystring
- Opera-arie
- Trafikkskilt
- Teiknspråk
Oppgåve 4 - Einvegs- og tovegskommunikasjon
Sjå på døma og prøv å avgjere om det er snakk om einvegs- eller tovegskommunikasjon. Forklar også korleis mottakaren kan gi respons.
- Ein elevpresentasjon på skulen
- Dagsrevyen
- Ein snap
- Ein konsert med favorittbandet ditt
- Ein reklameplakat langs vegen
- Ein Skype-prat med ein venn som bur i utlandet
Oppgåve 5- Kroppsspråk
Det er ofte situasjonen som avgjer korleis vi oppfattar kroppsspråket. Kom med forslag til ulike situasjonar der nokon bruker desse ansiktsuttrykka og rørslene og forklar kva sendar vil uttrykkje.
- Strekkje begge armane i vêret
- Støtte hovudet i hendene
- Sparke i jorda
- Bukke
- Gå ned på huk
Oppgåve 6
Bruk fagomgrep og forklar!
- Kva viser biletet?
- Kven er sendar, kven er mottakar?
- Kva kan vere bodskapen?
- Kva slags kommunikasjon går føre seg? Er han verbal, ikkje-verbal, eller han både verbal og ikkje-verbal? Forklar.
- Korleis kan mottakaren gi respons?
- Grunngi om det er snakk om einvegs- eller tovegskommunikasjon.