Oppgåve
Studer mediekommentaren «Sprekk trolla verkeleg?»
Sven Egil Omdal har i mange år vore fast kommentator i fleire norske aviser. Han har også skrive mange mediekommentarar for mediefaget på NDLA. I denne oppgåva skal du nærlese ein av desse kommentarane og gjere greie for oppbygging og biletbruk.
Sven Egil Omdal. Bilete: Berit Roald / CC BY-NC-SA 4.0
Les mediekommentaren «Sprekk trolla verkeleg?», som blei skriven etter massedrapa på Utøya 22. juli 2011.
- Kva ventar du av ein tekst som blir presentert som ein «kommentar»?
- Kva for problemstilling blir teken opp i kommentaren «Sprekk trolla verkeleg?»?
- Korleis er teksten bygd opp?
- Omdal bruker eit språkleg bilete i overskrifta og i ingressen. Kva for tekstar er det han refererer til her? Kva er samanhengen mellom desse tekstane og det temaet Omdal skriv om?
- Det blir presentert to ulike prinsipielle standpunkt i denne kronikken. Kva går desse standpunkta ut på?
- Kva for språkleg bilete bruker Omdal når han presenterer standpunkta til norske redaktørar?
- Når det gjeld det andre prinsipielle standpunktet, refererer Omdal til ein amerikansk psykolog og ein studie. Korleis presenterer Omdal dette synet, og korleis følgjer han opp det litterære biletet i overskrifta?
- Kommenter måten Omdal argumenterer på. Har han ein klar konklusjon?
- Kva for trekk ved denne teksten syner at han tilhøyrer sjangeren kommentar?
Relatert innhald
Kjeldemateriale
Sprekk trolla verkeleg?Når norske redaktørar skal forsvare kvifor dei slepp hat og framandfrykt til i spaltene, viser dei ofte til at troll sprekk i sollyset.