Arbeidsoppdrag
Oppgåver til Thelma
Sjå filmen Thelma og drøft deretter desse oppgåvene aleine eller saman med klassekameratar.
Sjanger
Thelma blir kategorisert som ein sjangerfilm.
- Kva er typisk for ein sjangerfilm?
- Skriv ned typiske sjangertrekk ved denne filmen.
- Drøft kva for sjanger Thelma passar inn under.
Symbolikk
Thelma er full av symbolikk. Vatn, slangar og fuglar er berre nokre av symbola som blir brukte som bilete på noko anna.
- Forklar kva desse tre elementa symboliserer.
- Kom med fleire eksempel på symbol i filmen.
- Kor vellykka er symbolikken i filmen, synest du?
Perspektiv, kameravinkel og biletutsnitt
Thelma er ved fleire anledningar filma langt unna, ofte sett ovanfrå.
- Kva trur du regissøren ønskjer å formidle med dette filmatiske grepet?
- Kva blir dei ulike kameravinklane kalla?
- Kva for forteljetekniske grep bidreg kameravinklane til i Thelma?
- Forklar dei ulike biletutsnitta ein kan velje mellom, og drøft korleis biletutsnittet i filmen blir brukt forteljeteknisk.
Relatert innhald
Kjeldemateriale
ThelmaEi ung kvinne sin kamp med indre demonar er utgangspunktet for denne filmen, som har blitt hylla av filmkritikarar i både inn- og utland.
Oppgåver og aktivitetar
Filmreferansar i ThelmaJoachim Triers Thelma (2017) har referansar til fleire andre filmar. Ein av desse er Alfred Hitchcocks Fuglene.