Yrja Oftedahl lagar podkasten Power Ladies. Episoden «Marie Mostad, Inzpire.me – om influencer markedsføring», har influensarmarknadsføring som tema.
Marie Mostad starta influensarmarknadsplassen inzpire.me i 2016, saman med medgründeren sin Mats Lyngstad. Ideen kom då ho sjølv jobba med marknadsføring og sleit med å finne riktig influensar.
På inzpire.me kan annonsørar enkelt gå inn og finne ein influensar dei matchar med. Dette kan du høyre meir om i podkast-episoden Marie Mostad, Inzpire.me – om influencer marknadsføring (podkast på Acast).
Tenk over
Mats Lyngstad, medgründer i influensarmarknadsplassen inzpire.me, har uttalt:
Eg tenkjer at influensarmarknadsføring verken er vondt eller godt. Det er korleis du jobbar med det og kva du gjer, som avgjer det.
Er du einig i fråsegna, og kvifor/kvifor ikkje?