Media har ei viktig rolle i eit demokrati. Dei formidlar informasjon og er ein arena for politisk debatt. Ei sentral rolle for redaksjonelle medium er å avsløre maktmisbruk. Medborgarskap handlar om ytringsfridom og om at alle har moglegheit til å delta i samfunnsliv og arbeidsliv.

I eit demokratisk samfunn er det viktig at alle innbyggjarar har moglegheit til å delta i og setje dagsordenen for den offentlege samtalen. I dette emnet lærer du grunnleggjande debatteknikk og korleis du sjølv kan bidra til ein konstruktiv debattkultur i redaksjonelle og sosiale medium.