Korleis og kvifor blir demokratiet angripe digitalt?
Val kan bli angripne og freista manipulerte utanfrå gjennom datateknologi. Det kan vere både statar, organisasjonar og enkelpersonar med vonde hensikter som står bak. Hackarar kan bryte seg inn i datasystema som tel stemmer, men òg du som veljar kan bli manipulert gjennom propaganda og falske nyheiter.
Det er til dømes påvist at Russland brukte sosiale medium til å spreie falske nyheiter og bygge opp under hat mens den britiske folkeavstemminga om å forlate EU ("Brexit") gjekk føre seg. Dette skjedde òg i dei to siste presidentvala i USA. Hensikta med slike angrep er å skape splid, auke polariseringa og få deg til å tvile på det demokratiske systemet og informasjonen du får frå styresmakter og media. Slik kan den som angrip, svekke fiendane sine og styrke seg sjølv.
Diskuter
Enkel tilgang til avansert KI-teknologi, som til dømes deepfakes, gjer faren for manipulasjon endå større. Til lokalvalet for 2023 har Medietilsynet laga filmen Abid Raja avslørt. Sjå videoen under og diskuter spørsmåla:
På kva måtar kan deepfakes brukast til å manipulere deg som veljar?
Kven kan ha interesse av å manipulere deg på denne måten?
Kva kan du gjere for å avsløre forsøk på manipulasjon?
Vil du klare å avsløre slike forsøk, trur du?
Kva andre former for datateknologi kan du komme på som kan brukast til å manipulere veljarar og skade demokratiet?
Kvifor er det viktig for deg som veljar å vere klar over ulike digitale truslar mot valet?
Les meir
Artikkel: Lær å avsløre russiske troll med disse enkle knepene på forskning.no
Kjelder
Burgess, M. (2017, 10. november) Here's the first evidence Russia used Twitter to influence Brexit. Wired. https://www.wired.co.uk/article/brexit-russia-influence-twitter-bots-internet-research-agency
University of Oxford. (2018, 17. desember). The IRA and Political Polarization in the United States. https://demtech.oii.ox.ac.uk/research/posts/the-ira-and-political-polarization-in-the-united-states/