Del 1: Garnbombing som fenomen
Søk på "garnbombing", "strikkegraffiti" eller "yarnbombing" og finn ut
kva garnbombing er
korleis garnbombing har vorte brukt som gatekunst
korleis garnbombing blir brukt til å formidle ulike bodskapar
Samanfatt med ein medelev kva garnbombing er.
Bli einige om eit godt døme som de vil vise til resten av klassen. Korleis tolkar de det tekstile uttrykket?
Del 2: Finn ei sak som engasjerer klassen
Bli einige om ei sak som engasjerer klassen.
Ha ei felles idémyldring om korleis kan de uttrykkje noko om denne saka gjennom tekstile teknikkar. Her kan de til dømes la alle skrive ned ulike idéar på gule lappar, og plassere dei inn i eit felles tankekart.
Del 3: Gruppearbeid
Vel ein idé som gruppa vil jobbe vidare med, og diskuter korleis de kan formidle ein bodskap gjennom tekstilar.
Korleis kan de bruke fargar, symbol eller skrift til å framheve bodskapen dykkar?
La dykk inspirere av korleis ei gruppe samarbeider om eit garnbombingsprosjekt i filmen nedanfor.
Lær ein ny masketeknikk
Ei maske er ei garnlykkje. Det finst fleire teknikkar der vi bruker masker til å lage tekstilar. Ha som mål at du skal lære deg ein ny teknikk. Det kan vere ein teknikk innan:
Finn ein instruksjonsvideo på nettet og lag ein prøvelapp.
Bli einige i gruppa om kva format de vil jobbe i, og lag bitar de kan setje saman.
Gjennomfør garnbombinga! Ta bilete av det ferdige uttrykket.
Del 4: Refleksjonsnotat
Skriv eit refleksjonsnotat der de vurderer
korleis de har uttrykt eigne meiningar gjennom tekstil
korleis de har brukt handverksteknikkar til å skape eit uttrykk
kva dilemma som kan oppstå når de plasserer arbeid i det offentlege rommet
korleis de har jobba med å lære dykk nye teknikkar og utvikle ein idé i fellesskap
korleis samarbeidet i gruppa fungerte
Innlevering
prøvelapp
bilete av det ferdige gruppearbeidet
refleksjonsnotat
Relatert innhald
Nettside hos youtube.com