Rettleiing
Knappholsblomster
Brudgom, mannlege forlovarar og eventuelt brudesveinar kan bere ein knappholsblomster, òg kalla corsage, på venstre jakkeslag. Blomstrane i knappholsblomsteren matchar gjerne brudebuketten i farge, form eller art. Følg stega i denne rettleiinga, og lag ein eller fleire knappholsblomstrar.
Knappholsblomster. Bilete: Hanne Merethe Riskedal Staurland / CC BY-SA 4.0
Stifte- og teipeteknikk er ein vanleg teknikk innan brudebinderi, og du kan bruke han på blomstersmykke og brudebukettar.
Knappholsblomstrar skal ha ei flat bakside. Hovudblomsteren skal vende utover, og ikkje oppover. Blomstrar med høg blomsterbotn vil stikke for langt ut frå dressjakka.
Du treng ikkje bruke hovudblomster frå brudebuketten for å matche, men kan velje kva som helst materiale frå brudebuketten. Vel materiale med same uttrykk eller farge.
Bruk heller fleire små materiale enn veldig store. Blad eller blomstrar som toler lite, kan du styrke med litt teip rundt stilken før du stiftar.
Relatert innhald
Oppgåver og aktivitetar
BlomstersmykkeBeskriv ein kunde som vil ha eit blomstersmykke til eit spesielt høve. Vel ei stilform, la deg inspirere og lag eit blomstersmykke til kunden din.