Oppgåve
Lite reir med vaktelegg til påske
La skjønnheita til naturen spele hovudrolla i vår- og påskepynten. Vaktelegg er små og har eit naturleg vakkert spel i skalet. Ekte, blåste egg kan kjøpast og brukast i påskedekorasjonar. Bruk nokre dekorative greiner og ståltråd for å forme eit lite reir til egga.
Vaktelegg i påskedekorasjon. Bilete: Hanne Merethe Riskedal Staurland / CC BY-SA 4.0
Bruk vikletråd og form ei lita skål. I dette dømet er det brukt svart tråd, vikla saman tilfeldig og forma til ønskt storleik. Vel farge på tråden som passar greinene.
Fest greinene i vikletråden langs kanten av reiret. Her er det brukt greiner med mose.
Legg vaktelegg i reiret, og dekorer gjerne med fjør eller anna materiale frå naturen.
Reira kan brukast som dei er, eller som del av ein større dekorasjon.
Reir laga av vikletråd og greiner. Bilete: Hanne Merethe Riskedal Staurland / CC BY-SA 4.0
Tips
Greiner frå buskar og tre kan drivast fram inne. På den måten kan du bruke blomstrar eller greinar med grøne skot og blad i dekorasjonar før dei blomstrar og spirer ute.
Vaktelegg er flotte i ein greinkrans, i ein bukett eller ein dekorasjon. Du kan også henge egga i greiner eller pynte med dei på påskebordet.
Vaktelegg har eit naturleg og spennande spel i skalet. Bilete: Jens Sølvberg / CC BY-NC-SA 4.0