Veggdekor i ein grønsaksbutikk

Eigarane av ein liten grønsaksbutikk ønskjer seg ein stor og fargerik veggdekor. Denne skal fange merksemd frå kundane når dei kjem inn i butikken. Du får i oppdrag å lage eit forslag til veggdekor som skal vere på den eine langveggen bak disken og kasseområdet.

Frukt og grønt som tema

Eigarane vil at temaet for veggdekoren skal vere frukt og grønt. Dei ønskjer ikkje foto. Du bør forenkle motivet, men du vel sjølv om du vil stilisere eller abstrahere det.

Her kan du leike deg med spennande fargar og former. Du treng ikkje dekorere heile veggen, men kan tenkje deg ei frise, eit bord eller eit felt. Du kan òg jobbe med belysning som ein del av løysinga.

Materiale

Materiala du kan bruke er tremateriale, plexiglas eller metall. Grunnen til at det er avgrensingar i materialval, er at overflata må vere lett å reingjere. Du kan måle eller spraye materiala, viss du ønskjer det.

Veggen som skal dekorerast har måla:

• høgde 300 cm
• breidde 700 cm

Disken har måla:

• høgde 95 cm
• breidde 300 cm

Sjå vedlagd teikning i målestokk 1 : 10.

1. Lag eit moodboard i A3-format med temaet frukt og grønt.
2. Lag idéskisser til veggdekor og korleis du vil plassere han på veggen.

1. Vel eit av forslaga frå idéskissene dine og omarbeid ho. Du må tenkje på korleis du skal utføre veggdekoren og kva materiale du vil bruke.
2. Lag ei presentasjonsteikning til veggdekoren. Du skal lage teikninga i eit digitalt teikneprogram, eller du kan teikne for hand og fargeleggje i nøyaktig målestokk.

Lag ein digital presentasjon som inneheld:

• moodboard
• idéskisser
• presentasjonsteikning
• skildring av materiale og utføring
• vurdering av eigen arbeidsprosess og korleis veggdekoren fungerer som blikkfang i grønsaksbutikken