Skoutstilling – no er det vår!

Opne bilete i eit nytt vindauge

CC BY-NC

Bilete: Eili Susort

Ein skobutikk har gitt deg i oppdrag å eksponere ein av nyheitene i vår. Du vel sjølv eitt par med sko som skal vere utgangspunktet for arbeidet ditt.

Utstillinga skal ha eit vårlig preg og få fram stiluttrykket og trenden du har valt i skorne. Hovudmaterialet er papir eller kartong, men du kan òg bruke andre materiale og gjenstandar du har tilgjengeleg. Teknikken er valfri.

Dette skal vere med i utstillinga:

• bakgrunn
• eksponeringsutstyr
• 1 par sko
• 1–2 valfrie rekvisittar
• sjølvlaga dekor i papir eller kartong

1. Kva forbind du med våren?
   Skriv ned assosiasjonar og teikn raske skisser i lite format.
2. Kva slags trend representerer skotypen du har valt?
3. Finn ut kven som kan vere målgruppa for denne skotypen.
   Lag eit moodboard, der du visualiserer kva slags stil denne målgruppa kan ha.

1. Bruk stilutrykket frå idéutviklinga di, og lag skisser til korleis du kan setje saman utstillinga di. Eksperimenter med ulike komposisjonsprinsipp og fargar som kan gi assosiasjonar til vår.
2. Vel ut den beste skissa, og lag ei arbeidsteikning i riktig målestokk.
3. Lag utstillinga og ta bilete av resultatet.

Opne bilete i eit nytt vindauge

CC BY-NC

Bilete: Bushra Husen Jahir

Presenter arbeidsprosessen din og det ferdige produktet.
Vurder:

• kva assosiasjonar utstillinga gir til temaet vår
• korleis du eksponerer skorne
• korleis utstillinga appellerer til målgruppa

Innlevering:

• moodboard for målgruppe
• skisser og arbeidsteikning i riktig målestokk
• utstillinga
• digital presentasjon av arbeidsprosessen din og det ferdige produktet