Å designe betyr å gi form til noko. Det kan vere alt frå klede og bruksting til å lage ei utstilling eller eit nytt konsept. Som designar kan du få i oppdrag å bestemme korleis noko skal sjå ut, og korleis det skal fungere.

Kva slags type produkt vil du utvikle, og kven vil du nå? Eit segment er ein del av ein marknad, og ei målgruppe er ei kundegruppe. Menneske er ulike på mange måtar. Vi kan dele inn i grupper etter alder, kjønn, inntekt eller bustad, eller med tanke på kjøpsvanar, lojalitet, interesser og verdiar.