Hopp til innhald
Oppgåve

Gjærbakst

For å lage saftige og luftige brød, bollar og rundstykke er vi avhengig av å bruke mjøl som inneheld protein som lagar sterke glutenbindingar. Kveitemjøl er den kornsorten som inneheld mest av gluten. Havre, rug og bygg er døme på sortar som ikkje dannar sterke glutenbindingar.
Ein person dreg og strekker eit stykke deig. Foto.
Bilete: Jarle Sten Olsen / CC BY-SA 4.0

I denne oppgåva skal du lage gjærdeig med ulike typar mjøl. Målet er å sjå og smake forskjellen på deigar laga på mjøl som lagar sterke glutenbindingar (kveitemjøl), og deigar laga på mjøl som ikkje lagar sterke glutenbindingar (rugmjøl).

Kveitemjøl

  1. Lag ein deig av 500 g vatn, 800 g sikta kveitemjøl, 10 g salt og 25 g fersk gjær (eller ein halv pose tørrgjær).

  2. Bland dette i ei kjøkkenmaskin, og elt saman deigen med ein eltekrok på middels fart i cirka 10 minutt.

  3. Prøv å strekke på deigen. Er han smidig?

  4. Del opp i deigemne på cirka 80 g, trill desse runde, set dei på ei plate, og etterhev til dobbel storleik på ein lun stad. Hugs å dekke til med plast eller eit fukta handkle.

  5. Steik emna i forvarma omn til dei er ferdig steikte. Avkjøl produkta.

  6. Noter kva du synest om smak, lukt og utsjånad.

  7. Korleis vart deigen? (Smidig, fast eller klissete.)

  8. Korleis heva deigemna?

  9. Løfta dei seg noko i omnen?

Rugmjøl

  1. Lag ein deig av 500 g vatn, 800 g sikta rugmjøl, 10 g salt og 25 g fersk gjær (eller ein halv pose tørrgjær).

  2. Bland dette i ei kjøkkenmaskin, og elt saman deigen med ein eltekrok på middels fart i cirka 10 minutt.

  3. Prøv å strekke på deigen. Er han smidig?

  4. Del opp i deigemne på cirka 80 g, trill desse runde, set dei på ei plate, og etterhev til dobbel storleik på ein lun stad. Hugs å dekke til med plast eller eit fukta handkle.

  5. Steik emna i forvarma omn til dei er ferdig steikte. Avkjøl produkta.

  6. Noter kva du synest om smak, lukt og utsjånad.

  7. Korleis vart deigen? (Smidig, fast eller klissete.)

  8. Korleis heva deigemna?

  9. Løfta dei seg noko i omnen?