Fagartikkel

Plommer

Plomme kjem opphavleg frå Vest-Asia, men blir i dag dyrka over heile verda. Vi kjenner til over 2000 sortar plommer. Plommer er runde eller ovale i forma, og storleiken kan variere frå sort til sort. Dei største kan bli så store som eit lite eple.

Bilete: Thomas Bjørnflaten / CC BY-NC-SA 4.0

Plommekompott. Foto. — Krydra plommekompott servert med fløyte. Bilete: Eivind Griffith Brænde / CC BY-NC-SA 4.0

Nedlagde plommer. Foto. — Nedlagde plommer kan nytast gjennom heile året. Bilete: Sara Johannessen / CC BY-NC-SA 4.0

Frukta har eit tynt skal som kan etast, og fargen varierer mellom gul, raud og blå eller sjatteringar av desse. Plomme har ein stor stein i midten. Hos nokre plommevariantar heng fruktkjøtet fast i steinen, medan andre sortar slepper steinen lett. Fruktkjøtet er saftig og aromatisk.

Kvalitetskrav

Plommer skal vere heile og utan sprekkar, mørke flekker eller annan skade. Frukta skal vere tørr og skalet glatt. Plommene skal vere utan støytskadar eller mugg. For at smaken skal vere best, må frukta ikkje vere hausta for tidleg.

Bruksområde

Plommer blir etne naturelle og kan også nyttast til sylting, i paiar og i bakverk.

Næringsinnhald

Plommer er kalorifattige og har ein mageregulerande verknad. Dei inneheld ein del A-vitamin, kalsium og jern.

Sjå Matvaretabellen frå Mattilsynet for nærare opplysningar om næringsinnhaldet.

Lagring

0–4 °C. Mogen plomme har svært kort haldbarheit. Er plomma mindre mogen, held ho lenger.

Norsk sesong

Plommesesongen i Noreg er i august og september.

Plommedyrking på Sjødalstrand gard. Video: Opplysningskontoret for frukt og grønt / CC BY-NC-ND 4.0