Rambutan

Rambutan vert hausta når han er mogen og har då ein raudbrun farge. Fruktkjøtet er kvitt, glinsande og saftig og er noko fastare i konsistensen enn litchi. Smaken er mild, søt krydra og aromatisk. I midten er det ein brun, mjuk kjerne som ikkje skal etast.

Først skrellar vi rambutan ved å fjerna skalet med fingrane eller ein spiss kniv. Frukta kan deretter etast naturell. Ho kan også serverast i fruktsalat, saman med is eller krem eller nyttast i fruktbowle.

Rambutan er rik på C-vitamin og mineral. Sidan vi berre et han i små mengder, har han lite å seia ernæringsmessig.

Sjå Matvaretabellen frå Mattilsynet for nærare opplysningar om næringsinnhaldet.

Rambutan skal ha mørkeraudt eller kastanjefarga skal. Håra som dekkjer frukta, skal ikkje vera visne eller inntørka.

8–12 °C. Rambutan har relativt god haldbarheit når han vert lagra rett. Pass på å ikkje lagra han for kjølig (då kan han få kuldeskadar), og pass på at det er rett luftfukt.