Kumquat

Kumquat er på storleik med ei valnøtt og finst både i oval og i rund form. Den ovale er mest aromatisk. Frukta vert eten heil og med skalet på. Fruktkjøtet er mjukt og saftig, og smaken er pikant, frisk og syrleg med ein litt bitter nyanse. Det finst også kumquat som er kryssa med lime, mandarin eller sitron, men dei vert svært sjeldan importerte hit til landet.

Kumquat et vi heil og med skalet på. Det etande skalet har ein søtsyrleg smak, og fruktkjøtet er mjukt og saftig. Han kan også skrellast, men dette er ikkje alltid like enkelt, sidan mogen kumquat lett går sund når vi skreller han. Kumquat kan skjerast i skiver og nyttast som tilbehøyr til dessertar, sjokolademousse, kaker, is eller i fruktsalat. Skiver av kumquat kan også leggjast i drinkar, eller vi kan frysa dei før bruk og nytta dei som isbitar. Kumquat kan også syltast og nyttast som tilbehøyr til kjøt.

Kumquat inneheld kostfiber og er rik på C-vitamin og kalsium. Frukta er også kalorifattig.

Sjå Matvaretabellen frå Mattilsynet for nærare opplysningar om næringsinnhaldet.

Kumquat skal vere fullt utvikla med oransjefarga skal, men han kan ha nokre grøne prikkar. Storleiken kan variera litt etter typen, men dei bør vera minst 2,5 cm og vega ca. 12–15 g. Dei skal vera faste, saftige og fri for mjuke eller brune flekker. Skalet bør vera blankt.

Kumquat har god haldbarheit. Frukta toler lagring i fleire veker ved rett oppbevaring. Pass på å ha rett luftfukt ved lagring, sidan kumquat lett er utsett for uttørking.