Som profesjonell helsefagarbeidar blir det forventa at du har naudsynte kunnskapar, haldningar og evner til å utøve yrket ditt på ein fagleg forsvarleg måte i møte med brukarar og pasientar i ulike aldrar og livssituasjonar.

HMS er ei forkorting for helse, miljø og sikkerheit, og internkontroll er bedrifta sitt eige kontrollsystem for å følgje opp regelverket. Som helsefagarbeidar skal du delta aktivt i HMS-arbeidet på arbeidsstaden din, og du må vite korleis du går fram dersom du oppdagar feil eller manglar.