Som profesjonell helsefagarbeidar blir det forventa at du har naudsynte kunnskapar, haldningar og evner til å utøve yrket ditt på ein fagleg forsvarleg måte i møte med brukarar og pasientar i ulike aldrar og livssituasjonar.

Profesjonalitet i jobben som helsefagarbeidar inneber at du nyttar kompetansen din til å utføre arbeidet ditt på høgt fagleg nivå. I tillegg til kunnskap og evner inneber profesjonalitet at du har haldningar og verdiar som er i samsvar med yrket.