Som profesjonell helsefagarbeidar blir det forventa at du har naudsynte kunnskapar, haldningar og evner til å utøve yrket ditt på ein fagleg forsvarleg måte i møte med brukarar og pasientar i ulike aldrar og livssituasjonar.

I arbeidet som helsefagarbeidar vil du oppleve situasjonar der det er vanskeleg å velje kva du skal gjere fordi det ikkje finst nokre gode løysingsalternativ. Yrkesetiske retningslinjer og refleksjonssamtalar med kollegaer kan gjere deg meir medviten på korleis du handterer etiske dilemma.