pH

Opne bilete i eit nytt vindauge

CC BY-SA

Bilete: Dejan Jovic DC

pH er eit mål på kor sur eller basisk ei løysning er. Vi kan avgjere kor sure eller basiske løysningar er, ved å bruke pH-skalaen:

• Ei løysning med pH-verdi under 7 er sur.

• Ei løysning med pH-verdi lik 7 er nøytral.

• Ei løysning med pH-verdi over 7 er basisk.

pH-skalaen går frå 0 til 14, men det finst òg stoff med ein pH-verdi som ligg utanfor denne skalaen.

Opne bilete i eit nytt vindauge

CC BY

Bilete: Petra Böckmann

Vi kan måle pH i ei løysning ved å bruke eit pH-papir. Eit pH-papir er innsett med ulike fargestoff/indikatorar som forandrar farge ut frå konsentrasjonen av syre og base. Viss vi treng meir nøyaktige pH-mål, må vi bruke eit pH-meter.

Opne bilete i eit nytt vindauge

CC BY-SA

Bilete: Sissel Paaske

Når ei syre, til dømes saltsyre (HCl), blir løyst i vatn, gir ho frå seg hydrogenion, H⁺. Det er H⁺-iona som gjer at løysninga blir sur:

$$ HCl\to H^{+} + C{l}^{-}$$

Når ein base, til dømes ammoniakk (NH₃), blir løyst i vatn, kan ammoniakk ta H⁺ frå vatn. Det blir danna OH^--ion som gjer løysninga basisk:

$$ N{H}_3+H_{2}O\leftrightarrow N{H}_4^{+}+O{H}^{-}$$

No skal du øver deg på å måle pH i ulike løysningar.

1. Vel væske i nedtrekkmenyen.

2. Trekk sensoren over i væska, og les av pH-verdien i displayet.

3. Du kan tilsetje vatn med krana over behaldaren og tappe ut væske med krana i botnen av behaldaren.

4. Bruk simuleringa over til å måle pH-verdien til ulike væsker. Dra og slepp væska til rett stad på pH-skalaen i oppgåva under.