Prosjektveke om internasjonal mat
Dette prosjektet består av ein teoretisk og ein praktisk del.
Estimert tid er fire timar med teoretisk arbeid og to dagar og éin kveld med praktisk arbeid.
Klassen blir delt inn i fire grupper, og kvar gruppe vel sjølv kva matkultur dei skal utforske. Gruppene bør velje ulike land.
Teoretisk del
Oppgåve 1
Kvar gruppe skal lage ein presentasjon av matkulturen i landet dei har valt. Presentasjonen skal innehalde informasjon om
råvarer og krydder som er typiske for landet
kjende matrettar og drikkevarer frå landet
Oppgåve 2
Kvar gruppe skal deretter
plukke ut to forrettar, hovudrettar og dessertar og finne oppskrifter til desse
finne fram til minst éi eigna drikkevare som passar til rettane
skrive meny, råvareliste og arbeidsplan
skrive invitasjonar digitalt og invitere gjestar til ein internasjonal buffé
Praktisk del
Dag 1 blir nytta til å produsere og smake på rettane.
Dag 2 blir nytta til å dekkje bord og klargjere rettar og drikkevarer.
Sjølve buffeen
Kvar gruppe set opp eitt buffébord. Pynt gjerne med flagg eller andre ting som viser kvar maten kjem frå.
Kvar rett skal ha eit lite kort med namn og allergimerking.
Kvar gruppe held ein presentasjon av matkulturen i sitt land.
Evaluering
Etter prosjektveka skal kvar gruppe evaluere arbeidet sitt og beskrive kva som gjekk bra, og kva som kunne vore betre.