Programmering og funksjonsdrøfting

Vi ønskjer å lage eit program som kan gjere funksjonsdrøftinga av vilkårlege andregradsfunksjonar for oss. Programmet skal kunne ta imot ein vilkårleg andregradsfunksjon og gjere følgjande:

• skrive ut den deriverte funksjonen
• drøfte monotonieigenskapane til funksjonen
• finne eventuelle nullpunkt til funksjonen
• finne toppunktet (eller botnpunktet)
• finne skjeringspunktet med andreaksen
• teikne grafen (som ein kontroll på at det programmet kjem fram til, er rett)

Hugs å skrive algoritmen til programmet først. Ta med forklarande tekstar.

Gjer det same som i den førre oppgåva, men no skal det gjerast med ein vilkårleg tredjegradsfunksjon.