I levande organismar må stoff transporterast effektivt mellom cellene. Det gjeld stoff som blir tekne opp frå omgivnadene, stoff som blir danna i organismen, og stoff som blir skilde ut att. Større organismar har eigne transportsystem. Eincella organismar utvekslar stoff direkte med omgivnadene.

Plantar tek opp vatn og næringsstoff frå omgivnadene. Algar og mosane gjer dette direkte gjennom heile overflata. Karplantane har røter og spesialisert leidningsvev for opptak og transport.