Oppgåve 1
Sjå videoen frå dramaserien SKAM om kommunikasjon og diskuter:
- Kva for eit påtrengjande problem er det Isak kjem til "skulelegen" med for å få hjelp til?
- Kva meiner Isak er riktig løysing på problema?
- Kva meiner "skulelegen" er løysinga på problemet?
- Korleis prøver ho å overtyde Isak om at menneskeleg kommunikasjon er svaret på problema hans?
Oppgåve 2
Rollespel om dobbeltkommunikasjon:
- Gå saman i par og lag eit rollespel som skal illustrere fagomgrepet "dobbeltkommunikasjon".
- Framfør framfor klassen: Klarer dei andre elevane å setje ord på kvifor ord og kroppsspråk ikkje stemmer overeins?
Oppgåve 3
Kva kan gjere kommunikasjon vanskeleg?
- Lag eit tankekart eller ei punktliste med alt du kjem på.
- Kva punkt er knytte til høvesvis sendar, mottakar og bodskapen? Sorter punkta inn i desse kategoriane og forklar korleis dei påverkar kommunikasjonen.
CC BY-SASkrive av Åsa Abusland og Marthe Moe.
Sist fagleg oppdatert 20.03.2020