Steinars nærbutikk AS har eit avgrensa vareutval, men har lang opningstid både på kvardagar og i helga. På kveldane har han ungdom som jobbar for han. Butikken har flest lokale kundar, men i feriane er det òg hyttebuarar som stikk innom.
Bruk vedlagde Excel fil som arbeidsdokument til alle tre oppgåvene.
Filer
Oppgåve 1. Resultatbudsjett
Steinar har fått rekneskapen for siste kvartal (Q4) i 20X1, og no skal han lage eit resultatbudsjett for 1. kvartal (Q1) i 20X2.
Kalkulasjon | Kroner |
|---|---|
Salsinntekter | 1 300 000 |
– varekostnader | 550 000 |
= bruttoforteneste | 750 000 |
Faste kostnader: | |
Lønn | 250 000 |
Husleige | 60 000 |
Reklame | 30 000 |
Avskriving | 27 000 |
Andre driftskostnader | 136 000 |
– sum faste kostnader | 503 000 |
= resultat | 247 000 |
Resultatbudsjettet for Q1 i 20X2 skal ha følgjande endringar i forhold til resultatrekneskapen for Q4 20X1:
Salsinntekta er forventa å auke med 10 %.
Bruttofortenesta er forventa å auke til 80 % av budsjettert salsinntekt.
Lønn blir auka med 10 000 kr kvar månad.
Reklame blir auka med 20 %.
Andre driftskostnader blir auka med 3000 kr kvar månad.
Husleige og avskrivingar er uendra.
Oppgåve 2. Likviditetsbudsjett
Steinar ønskjer òg å lage eit enkelt likviditetsbudsjett for dei tre månadene i 1. kvartal (Q1) 20X2. Bruk følgjande informasjon når du lagar likviditetsbudsjettet:
Hent inn relevante tal frå resultatbudsjettet du laga for Q1 20X2 i oppgåve 1.
Den inngåande behaldninga er på kr 150 000.
Salsinntektene varierer, og fordeler seg slik:
januar: 20 %, februar: 30 % og mars: 50 %.Varekjøpet fordeler seg med 80 % på januar og 20 % på februar.
Reklamekostnaden blir betalt i januar.
Andre driftskostnader blir likt fordelte på dei tre månadene.
Tenk over
Kvifor er ikkje avskrivingar med i likviditetsbudsjettet?
Om inngåande behaldning var på kr 100 000 (i staden for kr 150 000), kva konsekvensar ville det ha fått for likviditetsbudsjettet?
Oppgåve 3. Budsjettkontroll
I april 20X2 får Steinar resultatrekneskapen for 1. kvartal. Han vil då gjennomføre ein budsjettkontroll og reflektere over positive og negative avvik.
Kalkulasjon | Kroner |
|---|---|
Salsinntekter | 1 211 520 |
– varekostnader | 399 000 |
= bruttoforteneste | 812 520 |
Faste kostnader: | |
Lønn | 275 000 |
Husleige | 60 000 |
Reklame | 35 000 |
Avskriving | 27 000 |
Andre driftskostnader | 139 000 |
– sum faste kostnader | 536 000 |
= resultat | 276 520 |
Du skal utføre budsjettkontroll med utgangspunkt i budsjettet du laga i oppgåve 1, og resultatrekneskapen for Q1 20X22 som oppgitt.
Utfør budsjettkontrollen i Excel.
Kva avvik er positive?
Kva avvik er negative?
Kva for nokre negative avvik er du mest uroleg for?