Det nye butikkonseptet ditt
Du drøymer om å starte din eigen butikk. Vis korleis trendane påverkar butikken din, ved å lage ei skisse for konseptet ditt.
Utstillingsdokke Bilete: Tarjei E. Krogh / CC BY-NC-SA
Oppgåve 1 – individuelt
Utstyr: plakatar, lim, saks, tusjar
- Bestem sjølv kva slags butikk du vil starte.
- Vel ein av trendane nedanfor som utgangspunkt for butikken din.
Trendar
- Forbrukarane stiller stadig høgare krav til at butikkane skal bidra tilbake til samfunnet.
- Å skape gode kundeopplevingar har blitt ekstremt viktig for å overleve i ein tøff konkurranse.
- Kunstig intelligens gjer at det opnar seg ei rekkje heilt nye moglegheiter for handelsbransjen.
- Den fysiske butikken vil bestå, men vil få ei ny rolle.
- Samarbeid er det nye konkurransefortrinnet.
Les meir om dei fem trendane i den relaterte ressursen nedst i artikkelen.
- Illustrer konseptet ditt på ein plakat, med tekst og bilete.
- Bruk internett til å søkje etter idear som kan gi deg inspirasjon. Skriv ut bilete som kan illustrere butikkonseptet ditt.
- Heng den ferdige plakaten på veggen i klasserommet, slik at de kan sjå på kvarandre sine konsept.
Tips til utforming av butikkonseptet
Ta utgangspunkt i den trenden du vel, til dømes at forbrukarane stiller høge krav til at butikkane skal bidra tilbake til samfunnet.
Bruk nettet til å finne det du meiner er gode døme på korleis andre butikkar bidreg tilbake, og korleis du kan gjere det i butikken din.
KID er eit døme på ei bedrift som jobbar med samfunnsansvar. Sjå korleis dei gjer det, på KID samfunnsansvar.
Sofacompany er ein nettbutikk som har utstillingslokale for å få vist fram produkta sine.
Ikea er eit døme på ei bedrift som har teke i bruk AI.
Kolonial.no samarbeider med Clas Ohlson for å kunne gi kundane eit breiare vareutval.
Interiørkonsulentar planlegg fargar, materiale og møblering. Bilete: Andrey Popov / CC BY-NC
Oppgåve 2 – i klassen
Utstyr: penn og papir
- Sjå på kvarandre sine plakatar og konsept.
- Noter ned spørsmål du måtte ha om konsepta til dei andre. Skriv òg ned kva for nokre av dei andre sine idear du liker best.
- Gå gjennom alle spørsmåla i plenum. Gi kvarandre tilbakemeldingar, og gi ros for gode idear.
- Gjer gjerne endringar på din eigen plakat etter innspel frå dei andre i klassa.
Lykke til!
Relatert innhald
CC BY-SASkrive av Cathrine Meyer Johansen.
Sist fagleg oppdatert 04.02.2021